بسبوسة محشية سهلة
المكوّنات
1 كوب سميد
1/2 كوب حليب بودرة
كوب إلا ربع زيت
3/4 كوب سكر
2 بيض
2 علبة قشطة
معلقة طعام بكينج بودر
معلقة صغيرة فانيلا
نقطتين من الفانيلا السائلة
3 ملاعق نشا
2 كوب حليب سائل
الخطوات
نجهز كل المكونات التالية ونضعها سوا بالخلاط بإستثناء علبة قشطة وحدة والفانيلا السائلة
نخلط كل المكونات جيداً بالخلاط بهذا القوام
نضع نصف الخليط في صينية 9 انش اذا مو متوفرة عندكم بإمكانكم تعملوها في صواني البايركس ونترك نصف الخليط المتبقي على جنب وبنخبزها بالفرن من تحت لحتى تاخد لون بني فاتح ونحمر الوجه خفيف شوي
3 ملاعق نشا وكوبين الحليب السائل ونقطتين من الفانيلا السائلة وعلبة قشطة بنخلطهم سوا منيح وع الغاز بنبقى بنحركهم منيح لحتى يجمدوا شوي وبنحطها طبقة تانية فوق الصينية بعد ما تطلع من الفرن
بعدين بنصب فوقها باقي الخليط الاول اللي تركناه ع جنب في الخلاط
وبنحمر بس في هالمرة في الفرن الوجه تحمير لياخد لون بني فاتح وبنطلعها من الفرن ونسقيها قطر او شربات نص كاسة ونزينها بالفستدق الحلبي او اي نوع من المكسرات عندكم وع التلاجة نتركها ساعتين لتجمد انا حطيتها ساعة وربع في الفريزر
وهذا الشكل النهائي
و بتقطع قطع وبتتقدم مع قهوة بصراحة طعم طيب ورهيب ومنظر شهي وصحة والف عافية
و يمكنك الاطلاع على معلومات أكثر حول بسبوسة محشية سهلة